Moderatori i njohur, Turjan Hysko ka reaguar pas përfundimit të Festivalit të Këngës mbrëmjen e djeshme, ku fituese u shpall Arilena Ara.
Me anë të disa postimeve në Instastory, Hysko ka kritikuar jurinë për humbjen e Elvanës dhe mospërfshirjen e Era Rusit në treshen finale.
“Era Rusi nuk ishte as në treshe, Elvana Gjata nuk fitoi. Të keqen e ‘jurisë’”, u shpreh ai.
Në postimin tjetër moderatori shkruan se humbja e Elvanës është një mundësi e shkuar dëm për Shqipërinë, pasi sipas tij e gjithë Evropa do kërcente me këngën e saj.
Mbështeti Elvana Gjatën/ Arilena Ara ‘zhduk’ nga Instagrami Alketa Vejsiun
“Për një gjë të jeni të sigurt, Evropa do kërcente me Elvana Gjatën. Iku mundësia prej ‘jurisë’”, shkruan ai.
Arilena Ara u shpall fituesja e këtij edicioni të Festivalit të Këngës, duke i dhënë asaj mundësinë të përfaqësojë Shqipërinë në Eurovision.
Në vend të dytë pas saj u rendit Elvana Gjata, ndërsa vendin e tretë e zuri Sara Bajraktari.
