Ministri në Detyrë për Evropën dhe Punët e Jashtme, Gent Cakaj, ka përcjellë detajet në lidhje me takimin e mbajtur me homologun e tij grek, Nikos Dendias.
Takimi mes palëve është mbajtur në Bruksel, ku janë diskutuar një varg veprimesh të përbashkëta, në funksion të riparimit e rindërtimit të hapësirave të dëmtuara nga tërmeti.
Cakaj vendos theksin edhe tek ndryshimet që kanë ndodhur në vendin tonë, me theks të veçantë në përmbushjen e objektivave, për të mundësuar çeljen e bisedimeve për anëtarësim në BE.
Statusi
Gjatë qëndrimit në Bruksel zhvillova edhe një bisedë me Ministrin e Jashtëm të Greqisë, Nikos Dendias!
Biseduam për ndryshimet pozitive që kanë ndodhur në Shqipëri – me theks të veçantë në përmbushjen e objektivave të përcaktuara nga Këshilli i Çështjeve të Përgjithshme në qershor 2018 – për të mundësuar çeljen e bisedimeve për anëtarësim në BE pas miratimit të metodologjisë së re të negocimit.
Po ashtu, diskutuam për një varg veprimesh të përbashkëta në funksion të riparimit e rindërtimit të hapësirave të dëmtuara nga tërmeti.Një mirënjohje e veçantë për mbështetjen e pakursyer për Shqipërinë që prej orëve të para të pas termetit e deri tani që po vazhdon me përkushtim të fortë dhe rezultate konkrete.
