Atletja shqiptare, Luiza Gega ka arritur një tjetër triumf ndërkombëtar, këtë herë në Lojërat Olimpike Ushtarake Botërore në Wuhan të Kinës.
Luiza arriti të rrëmbente vendin e tretë në garën 3000m me pengesë, ndërsa në vendin e dytë u rendit sllovenia Mismas Marusa. Triumfuesja e kësaj gare ishte përfaqësuesja e Katarit, Yavi Winfred.
Ekipi i Forcave të Armatosura u nis për në Kinë 7 ditë më parë dhe Flamuri kombëtar iu dorëzua nëntetares së Policisë Ushtarake, atletes kampione kombëtare Luiza Gega, por përveç atletikës, 9 efektivë të FA garuan edhe në mundje e xhudo.
Lojërat Ushtarake Botërore 2019 nisën ditën e mërkurë, me 100 pishtarë që rrugëtuan përmes East Lake Greenway.
