Kryetarja e LSI-së, Monika Kryemadhi, ka hedhur akuza të forta ndaj ndërkombëtarëve në Tiranë. E ftuar mbrëmjen e sotme në emisionin ‘Çim Peka LIVE’ në ‘SYRI TV’, Kryemadhi ka krahasuar situatën më Kosovën, ku sipas saj, ndërkombëtarët nuk folën fare, dhe nuk u bënë me njërën palë.
Duke qëndruar në të njëjtën linjë, sipas Kryemadhit, në Tiranë ka ndodhur e kundërta, pasi ndërkombëtarët janë vendosur në krah të qeverisë me të gjitha skandalet e saj.
“U prish cilësia e mallit, dhe ndërkombëtarët ndryshuan deklarimet e tyre.
Nuk është problem për holandezët kanabisi, për holandezët është problem heroina dhe kokaina. Po vriten biznesmenët ne dyert e shtëpive”, tha Kryemadhi.
