Në mars të këtij viti, “Fundjavë Ndryshe” dhe emisioni investigativ “Stop”, hapën një fushatë për t’i ardhur në ndihmë familjes Karazajmi, në Dibër.
Gentjan dhe Klodjana Karazajmi humbën jetën në një aksident rrugor, si pasojë e përplasjes së një makine me motorin e tyre. Duke lënë pas katër vajza nën kujdesin e gjyshërve, të cilët jetonin në kushte të mjerueshme.
Pas fushatës sensibilizuese, familja Karazajmi është zhvendosur nga Dibra në Tiranë, në një shtëpi të blerë me kontributin e shqiptarëve.
Gazetarja: Pasi ky rast u transmetua në emisionin stop, i menjëhershëm që reagimi i të gjithë shqiptarëve brenda dhe jashtë vendit, ku nga fushata sensibilizuese e “Stop” dhe “Fundjavë Ndryshe”, familjen nga Dibra e sollën në Tiranë dhe sot ata jetojnë tek ky pallat.
Arbër Hajdari: Mirë se erdhët në shtëpinë tuaj tani…
Gjyshi: Mirë se ju gjetëm.
Arbër Hajdari: Shkurte mos qaj.
Gjyshja: Jo, jo nuk do qaj për hatër të cucave.
Arbër Hajdari: Tani ka lot gëzimi. Keni hequr shumë, tani duhet të bëheni e fortë.
Gjyshja: Falenderoj Ministren e Mbrojtjes dhe ju zoti Hajdari dhe të gjithë shqiptarët që më kanë ndihmuar për katër jetimët e mi.
Gjyshi: Nuk kemi parë asnjë herë kështu kuzhine. As në ëndërr nuk mendoja se do e shihja. Zoti ju ndihmoftë dhe jua shpërbleftë të gjithëve!
Arbër Hajdari: Edhe gocës së madhe ia kemi bërë dhomën veç, Aldës.
Vajza e madhe: Falenderoj Arbrin dhe Olta Xhaçkën për dhomën time të re.
Arbër Hajdari: U bënë disa muaj që merremi me rastin tuaj dhe nuk ishte e lehtë që të arrinim deri këtu. E dimë që juve ju ka ndodhur një tragjedi, do mundohemi që t’i hedhim gjërat që kanë kaluar e nga sot të nisim një jetë të re. Për ju është marrë një shtëpi, që nuk është marrë asnjëherë në të gjithë historinë e “Fundjavë Ndryshe”. Detyrimi që ju keni ndaj shqiptarëve është që të mësoni në shkollë, të bëheni goca të mira, të dëgjoni gjyshërit, ne do të na keni afër, si ne, si Oltën.
Olta Xhaçka: Unë në fakt jam shumë e emocionuar, dua ta falenderoj Arbrin që më lejoi të bëhem pjesë e këtij rasti. Patjetër, jo si ministre, por si njeri, me mundësitë e mija për të ndihmuar këto vajza, të cilat tashmë i konsideroj pak si pjesë e familjes sonë, sepse do të kujdesemi për to gjatë të gjithë kohës, jo vetëm sot. Por dua të falënderoj nga zemra këto njerëz të mrekullueshëm që janë sot këtu me ne, por edhe shumë të tjerë që nuk ndodhën këtu, që kanë bërë të pamundurën që ne këtyre vajzave tu ofrojmë këtë mundësi, këtë standard, këtë shtëpi. Do të na kenë të gjithëve në krah për t’i ndihmuar hap pas hapi derisa të bëhen të zonjat e vetes.
Vajza e madhe, Alda: Falenderoj të gjithë njerëzit në këtë botë që na kanë ndihmuar ne si 4 vajza që kemi mbetur jetime… falënderoj Olta Xhaçkën dhe Arbër Hajdarin për shtëpinë e re, që na gëzoi një herë fati.
“Do lë gjithçka për motrat”, humbën prindërit në aksident, 4 jetimet mes dhimbjes dhe pamundësisë
