Një incident me pasoja fatale ka ndodhur së fundmi, në koncertin e reperit të njohur algjerian Soolking. Mediat e huaja raportojnë se 5 persona kanë vdekur. Sakaq, 20 të tjerë janë dërguar me urgjencë për në spital.
Gjithçka ka ndodhur teksa reperi ishte duke mbajtur koncert në një stadium në Algjeri.
Një turmë e madhe njerëzish të cilët po nxitonin, janë rrëzuar tek njëra prej hyrjeve.
https://www.youtube.com/watch?v=aCSneKrgyTc
Soolking u bë i njohur për publikun shqiptar, pas bashkëpunimit me Dhurata Dorën me këngën “Zemër”.
Në këtë koncert që është transmetuar live në televizionin Algjerian, ishte e ftuar edhe këngëtarja shqiptare Dhurata Dora.
Në rrjetet sociale u shfaqën fotografitë e ekipeve të emergjencës që u vinin në ndihmë të plagosurve. Soolking konsiderohet artisti më i mirë në Algjeri, me famë në të gjithë botën arabe, me një aktivitet që e ka zhvilluar në Francë. Hiti i Soolking dhe Dhurata Dora “Zemër” ka arritur te hyjë në top listat e Francës.
