Kryetari demokrat i Bashkisë së Kamzës, Xhelal Mziu, ka paralajmëruar se edhe kryeministri Edi Rama do të ketë të njëjtin fat si Dako. I ftuar në studion e lajmeve në RTV Ora, ai u shpreh i vendosur se kryeministri Rama do ketë fatin e Vangjush Dakos, për të mos pasur vizë amerikane. Si për ta konkretizuar këtë tezë, Mziu tha më tej se përgjimet tregojnë se sa aktor i rëndësishëm ishte Dako me grupet kriminale në tjetërsimin e votës.
“Në takimin që ne kemi pasur me Bashën, jo vetëm si kryetarë Bashkish, por edhe si strukturë e kryetarëve të partive, ne kemi kërkuar që pse të kërkojmë zgjedhje pa Edi Ramën? Unë jam i sigurte që Edi Rama ka rënë dhe jo shumë larg do të ketë fatin e ish-kolegut tim Gjushit, për të mos pasur vizë amerikane”.
Ta komentojmë pak vendimin e DASH për të mos i lejuar z. Dako për heqjen e vizës, shkak është korrupsioni, kaq kemi mundur të mësojmë deri tani.
“Mua në asnjë lloj rrethane nuk më vjen mirë që të flas për një kolegun tim, aq më tepër që e kam pasur për 12 vite koleg. Por duke parë realitetin, DASH nuk gabon. Përgjimet, apo se çfarë ndodhi në Dibër dhe Durrës tregojnë se sa aktor i rëndësishëm ishte Dako me grupet kriminale, në tjetërsimin e votës.
Është lexuar mësë miri. Ky është një sinjal i mirë për opozitën e sotme që unë jam i sigurte është mazhorancë, por edhe për kryeministrin. Unë nuk e di se si do ta deshifrojë këtë. DASH nuk gabon, dhe unë jam i sigurte që të njëjtin fat do ta ketë edhe Edi Rama, por nuk do ta ketë për familjen, por do ta ketë për Rilindjen, persona të kupolës. PS ka njerëz mjaftë të ndershëm, dhe në komunikimin që bëj me kolegë, ish-kolegë, edhe ata nuk e pranojnë një situatë të tillë. Nuk pranojnë një qeveri, një parlament, një pushtet vendor të një partie”.
