Sherri mes grupeve në Jalë që përfundoi me një të plagosur, ashtu sikundër raportohet në media e jo në mënyrë zyrtare nga ana e policisë, ka ngritur shumë hipoteza se kush është femra e cila ishte ‘mollë sherri’.
U pretendua se “molla e sherrit” ka qenë ish-banorja e Big Brother, Françeska Jaçe. E kontaktuar nga ‘Shqiptarja.com’, Jaçe ka mohuar një lajm të tillë. Ajo është shprehur se aktualisht ndodhet me pushime në jug, por në Dhërmi e jo në Jalë.
“Unë jam në Dhërmi, prej disa ditësh. Nuk kam aspak lidhje me këtë ngjarje”, u përgjigj Jaçe.
Ende nuk ka një informacion zyrtar që të zbardh “misterin” se çfarë ndodhi në Jalë, ndërsa në redaksinë e ‘JOQ Albania’, një qytetar nisi një video, ku shikohej se një ngjarje e rëndë kishte ndodhur në ‘Folie Marine’. Ai thotë se shkallët u lanë me gjak dhe se kishte njerëz që vraponin nga frika, sepse nuk kuptonin se çfarë po ndodhte.
