Ish-ministri i Drejtësisë, Ylli Manjani, ka ironizuar Policinë e Shtetit, e cila doli me deklaratë se personi që sulmoi makinën e analistit, Fatos Lubonja, ishte i çmendur.
Makina e publicistit Fatos Lubonja është sulmuar disa ditë më parë, por ai nuk e ka denoncuar ngjarjen.
Sipas uniformave blu, një person i ka thyer xhamin e parë me gurë mjetit të Lubonjës. Autori A. H., është ndaluar nga policia, dhe më pas është liruar. Agresori rezultoi se kishte probleme të shëndetit mendor, dhe prej kohësh ka qenë problematik në zonën ku banon.
Lidhur me këtë rast, Manjani pyet me ironi se pse ky i çmenduri nuk sulmoi makinën e Ramës, por atë të Lubonjës.
