Komisioneri për zgjerim, Johannes Hahn ka dhënë lajmin jo të mirë për Shqipërinë. Në këtë moment kyç, Shqipëria nuk ka marrë një përgjigje pozitive për çeljen e negociatave, pasi shumë nga vendet kanë kërkuar më shumë kohë për të shqyrtuar raportin e KE-së.
Hahn foli për përparime të Shqipërisë dhe Maqedonisë së Veriut, megjithatë ai tha se nuk është arritur të merret një vendim për dy shtetet në fjalë dhe se vendimi për çeljen e negociatave do të merret më vonë. Mësohet se vendimi merret në tetor.
“Këshilli ka thënë se është mjaft i rëndësishëm integrimi në BE. Shpresojmë që se shpejti vendet e Ballkanit Perëndimor të integrohen në BE. Ka pak vende që nuk janë gati të pranojnë hapjen e negociatave me Shqipërinë dhe Maqedoninë e Veriut. Gjithsesi KE beson se këto vende duhet të shpërblehen.
Është edhe në interesin tonë që të bashkëpunojmë me këto vende që të përmirësojmë kushtet e këtyre vendeve. Të gjitha këto bazohen edhe në merita individuale. Zgjerimi ndikon patjetër në paqe dhe në stabilitet në rajon. Megjithatë një vendim nuk është arritur të merret lidhur me hapjen e negociatave, të paktën këtë verë. Kërkohet më shumë kohë për rekomandimet tona dhe që ata të bëjnë vlerësimin e tyre. Franca, Gjermania dhe Danimarka janë skeptike për Shqipërinë. Gjermania kërkon më shumë kohë për raportin e KE. Vendimi do merret në tetor”, tha Hahn.
