Kryetari i PD-së, Lulzim Basha, me tone të larta tha para protestuesve se koha e Ramës është drejtë fundit, dhe se nuk do të tolerojnë për asnjë arsye vjedhjen e zgjedhjeve.
Pavarësisht reshjeve intesive të shiut, Basha nuk është ndalur, e ka kërkuar me vendosmëri që marshimi të përfundojë, për një qëllim të vetëm, atë të largimit të Ramës nga qeverisja.
“Dhunë ndaj atyre që mbahen në administratë publike dhe trajtohen si skllevër, dhunë ndaj sipërmarrjes, dhunë ndaj të papunëve, ndaj fëmijëve dhe vogëlushëve që flejnë tek Bregu i Lumit, dhuna është e vetmja zgjidhje që mbron Edi Rama.
Ndaj jemi sot, ne e refuzojmë dhunën e qeverisë të ardhur me dhunë, dhe do ti përgjigjemi me vlerat, me fuqinë e pjesëmarrjes, e vendosmërisë, e shpresës, dhe nuk e shuan as shiu, e aq më pak dhuna barbare e Edi Ramës.
Nuk ka shqiptarë që nuk e di se këtu kemi ardhur si rezultat i dhunës shtetërore, se dhuna zgjedhore eshtë e vetmja mënyrë e Edi Rames për të mbajtur pushtet, s’jemi këtu për mandate, ato i dogjëm sepse do të jemi në krahun e qytetarëve, kundër dhunës, kundër krimit. Jemi në këtë betejë për të çliruar Shqipërinë nga krimi, korrupsioni, për zgjedhje të lira e të ndershme.
Jemi për Kushtetutë, për ligj, për dinjitetin e çdo shqiptari, që mos të ketë asnjë qeveritar ti gjobis, pastaj ti përqesh e ti shantazhojë, ti japim fund dhunës së Ramës. Ne duhet ta fitojmë betejën për qytetarët. Ndaj rruga jonë drejt Evropës mbetet e bllokuar, sepse shkohet me zgjedhje të vjedhura, nuk shkohet me drejtësi të vjedhur.
Ju i dini fare mirë, jeni ngritur si asnjëherë më parë. Shikojeni këtë protestë sa madhështore është. Shikojeni njëri-tjetrin në sy, jepini dorën njëri-tjetrit, se kemi vetëm një rrugë, se do ta bëjmë Shqipërinë si gjithë Europa. Edi Rama dhe klika e tij kriminale, europa dhe bota do ta dijnë fare mirë se ne këtë shtet dhe qindra mijëra shqiptarë jemi garancia e vetme që lufton për vlerat e Evropës.
E sotmja eshtë një marshim protestë kundër qeverisë së krimit. Rama Ik! Kundër zgjedhjeve fallco, nuk do të ketë me zgjedhje fallco. Ne do ti japim mundësi të vendosë me votën e tij, pa frikën e bandave kriminale, zgjedhje të lira e të ndershme. Për të çliruar zgjedhjet, Rama ik! Krimi i qeverisë dhe një tufë banditësh dhunojnë qeveritarët. Ja ku jemi, gati për marshimin, për historinë e kësaj proteste. Do të na ndiqni, bëhuni gati të nisim marshimin tonë të shpresës, të lirisë, demokracisë, kundër dhunës qeveritare, kundër krimit. A jeni gati apo jo? Jemi gjithë bashkë?
TIRANA TODAY
