Deputeti i PS, Pjerin Ndreu, me anë të një letre i ka paraqitur dorëheqjen nga mandati i deputetit kreut të Kuvendit, Gramoz Ruçit. Deputeti Ndreu, do të heqë dorë nga mandati, pasi në zgjedhjet e 30 qershorit ai do të garojë për kryetarë bashkie në Lezhë.
“Unë deputeti Pjerin Ndreu, kam fituar mandatin në zgjedhjet për Kuvendin më 2017… Paraqes dorëheqjen për shkak se do të konkurroj në zgjedhjet vendore… ju drejtohem për të deklaruar zyrtarisht heqjen dorë nga mandati i deputetit”, shkruan Ndreu ndër të tjera në shkresën drejtuar Ruçit.
Vetëm dy ditë më parë në mbledhjen e Kryesisë, PS zyrtarizoi emrin e tij për kandidat të kësaj bashkie.
