Monika Kryemadhi ka mohuar që të jetë plagosur ndonjë polic gjatë protestës së sotme, pavarësisht se deri më tani, 5 prej tyre kanë përfunduar në spital.
“Kjo situatë për shkak të kokëfortësisë dhe arrogancës së Ramës. Sot të gjithë ata që dogjën mandatet, ndihen komod, dhe njësh me popullin, për shkak të arrogancës së Ramës, kapjes së shtetit, frikës së madhe që ka Rama. Nëse Rama ndihet se ka shumicën ta çojë vendin në zgjedhje. Është kapur me presh në duar, duke blerë vota. Rama ka kapur ekonominë shqiptare, shqiptarët s’kanë bukë për të ushqyer fëmijët e tyre.
Shqiptarët futën në biruca për shkak të një çatie, të një muri të rrënuar, sepse nuk kanë para të paguajnë, dhe nuk futen në burg ato që vodhën 10 mln euro. Ata janë segmente të policisë shqiptare, mjafton të shihni skenën e krimit të vrasjes një anëtari. Është vrarë dëshmitari i vetëm.” -theksoi Kryemadhi.
Ndër të tjera kryetarja e LSI-së iu përgjigj edhe reagimin të kryeministrit për policët e lënduar.
“Solidarizohem me ata policë që janë dhunuar nga njerëzit e Ramës, askush nuk dhunohet nga protestuesit. I vetmi që ka dështuar në jetë është Rama, ka dështuar të krijojë një në familje, e kam flën familje politike. Edhe kur e mori PS, e katandisi në një qeveri që nuk ka një socialist brenda saj. Ka dështuar me premtimet e tij. Edhe gjësë së gjallë i ka vënë taksë. Nëse mendon se dështimi jonë ishte fatkeqësi, ne ndaj dogjëm mandatet, për të treguar kush ka dështuar në të vërtetë.” – tha Kryemadhi.
