Një makinë është përfshirë nga flakët në aksin rrugor Elbasan-Peqin.
Ngjarja ka ndodhur rreth orës 15: 50, në vendin e njohur si Papërr, ndërsa mësohet se brenda në makinës ndodhej një çift së bashku me fëmijën.
Fatmirësisht, ndihma e parë është dhënë nga banorët e zonës, të cilët kanë mundur të shpëtojnë familjen, duke shmangur në këtë mënyrë tragjedinë.
Sipas informacioneve paraprake, çifti dhe fëmija kanë pësuar lëndime të lehta në trup, ndërkohë janë dërguar në spital për të marrë shërbimin mjekësor.
Sakaq, policia ndodhet në vendngjarje dhe po punon për zbardhjen e plotë të ngjarjes.
