Duke nisur nga dita e sotme, 665 mijë pensionistë në vend do të marrin pension të indeksuar.
Pensionet janë rritur me 2.8% dhe tashmë ka nisur shpërndarja sipas grafikut. Nëse një pensionist merr një pension prej 10 mijë lekësh në muaj, përfiton një rritje prej 280 lekësh.
Drejtori i Përgjithshëm, Astrit Hado deklaron se kjo rritje është bërë për të eliminuar efektin e rritjes së çmimeve të produkteve.
“Vetëm sot janë paguar 38148 pensione, të cilët të gjithë këta persona e kanë marrë pensionin të indeksuar. Pensionet minimale kanë arritur vlerën e 13753 lekë nga 13378 lekë që kanë qenë. Ndërsa pensioni maksimal ka arritur në 27 506 lekë nga 26757 lekë të reja që ka qenë”, tha Hado.
Fondi i vënë në dispozicion është 2.3 mld lekë dhe përfitojnë të gjitha llojet e pensioneve, ndërsa qeveria ka vendosur që të mos preket skema e kompensimeve. Kështu të gjithë pensionistët do vijojnë të marrin kompensimet për të ardhurat mujore minimale përkatëse sipas kategoritë në të cilën bëjë pjesë.
