Zv.kryeministri, Erion Braçe ka reaguar në lidhje me protestën e opozitës, duke dënuar veprimin e protestuesve drejt godinës së Ministrisë së Brendshme.
Përmes një postimi në llogarinë e tij në ‘Instagram’, Braçe u drejtohet protestuesve se kreu i partisë që ata mbështesin i vijnë lekët nga Rusia, ndërsa ata që vijnë dhe i bashkohen protestës nuk fitojnë asgjë.
“Basha i ka bërë paratë e tij nga Rusia. Përse nuk mendon, flet, debaton, bind dhe fiton? Se bën dot?! Përse shkon te dhuna? Ç’e gjeti godinën se e njollose me të zezën e Partisë ti?”, shkruan Braçe.
Ndër të tjera, zv.ministri thotë se askush nuk fiton gjë kur dhunohet prona publike.
“A e di çfarë arrite? Bëre të qeshë si përherë Lulzim Bashën, ja kaq. Por kjo është e zakonshme, ai qesh dhe në varrim. A e di çfarë tjetër?Tamam ai, Lulzim Basha. Katër shqiptarë që nuk bënë kurrë atë që ti bëre sot, i vrau, po po i pushkatoi dhe ishte Ministër i Brendshëm. Dhe ti dhunon krah tij, për të e menderen e tij?!”, ka shkruar më tej Braçe.
