Ish-deputeti i Partisë Demokratike, Edi Paloka, e ka ndjekur nga stadiumi ndeshjen e mbrëmshme, Andorra-Shqipëro 0-3. Më pas, duke shijuar fitoren e kuqezinjve, politikani i djathtë ka sulmuar Christian Panuccin, që u shkarkua, duke e krahasuar edhe me kryeministrin Edi Rama. Ja statusi i Palokës në Facebook:
“Ishte bërë Panucci si Rama! Një milioner, që nuk bënte asnjë punë, vazhdonte të merrte lekët e shqiptarëve e vetëm bërtiste kundër të gjithëve. Arrogant dhe hakmarrës. Nuk pranonte asnjë faj, por për çdo dështim të tij akuzonte të tjerët; një herë e kishin fajin lojtarët e herën tjetër gazetarët.
Ata që ia thonin të vërtetat në sy i hidhte në gjyq për shpifje. Çdo ndeshje e tij ishte një dështim dhe një “skandal” më vete, por ai nuk pranonte të jepte dorëheqje. “Kam kontratë të firmosur e do të qëndroj deri në fund të mandatit”, – thoshte ai.
“Më në fund, Panuccin e shkarkuan dhe mbrëmë kombëtarja, që kishte 10 ndeshje pa shënuar asnjë gol, fitoi 3-0… Panuci iku dhe Shqipëria fitoi. Atë e shkarkoi Federata, ia prishi kontratën. Ramën do ta shkarkojë populli…”
