Një sasi tritoli i është vendosur sot një linje transmetimi të energjisë në Laç. Lidhur me ngjarjen ka reaguar menjëherë Spiropali, e cila lë të kuptohet se përgjegjëse për veprimin është opozita.
Policia ka dhënë detaje rreth shpërthimit të një shtylle tensioni në zonën e Thumanës në Fushë Krujë, lajm i bërë fillimisht i ditur nga ministrja e Shtetit për Marrëdhëniet me Parlamentin Elisa Spiropali.
Sipas policisë, linja është dëmtuar më lëndë eksplozive në fshatin Krastë të Thumanës.
“Sot në mesditë, punonjësit e OST, pranë fshatit Krastë, Thumanë, konstatuan se njëra këmbë e shtyllës dyfishe të tensionit të lartë (400 KW), Nr. 65, e linjave Tiranë–Podgoricë dhe Tiranë-Prizren ishte dëmtuar me lëndë, të dyshuar eksplozive”, sqaron policia.
Grupi hetimor ndodhet në vendngjarje dhe po punon për zbardhjen e plotë të ngjarjes, identifikimin dhe kapjen e autorit/ëve.
