Ish-deputeti Ervin Salianji në një komunikim për ‘Rtv Ora’ është shprehur për vendimin e Rudina Hajdarit se ka ende vend për të reflektuar.
Sipas tij, të gjithë ata që janë votuar nga PD, pas reflektimit, do të rikthehen sërish për të dhënë kontributin e tyre.
Përsa i përket, rikthimit të të përjashtuarve, Salianji thekson se kjo parti e ka thënë fjalën e saj për shkeljen e vendimmarrjes së forumeve, por falja është hyjnore.
“PD ka marrë vendimet e saj. Kjo është një vendimmarrje kundër vendimeve të forumeve të partisë dhe është personale, nuk është e interesit publik. Cilido ka mundësinë të reflektojë, falja është hyjnore.
Mundësinë për një ndërhyrje të presidentit Ilir Meta ish-deputeti demokrat nuk e përjashtoi por për këtë ai kishte një kusht”, deklaroi Salianji.
Gjithashtu, ish-deputeti democrat theksoi se Rama duhet të jap dorëheqjen për t’i hapur rrugë zgjidhjes së krizës politike, pasi, sipas tij, nuk mund të ketë qetësi Shqipëria kur ka një qeveri të korruptuar, që i vjedh, dhe i përdor vetëm për interesa personale të një grupi njerëzish.
“Për datën e ardhshme do të kemi lajmërim por nga nesër do të jemi në terren, në qytete dhe fshatra për ti riorganizuar apo për të komunikuar me qytetarët për hapat që do të ndjekim më tej”, tha ai.
