Ish-deputetit i PD, Ervin Salianji në në një deklaratë publike ka hedhur akuza mbi Ministrin e Jashtëm të propozuar nga Edi Rama, Gent Cakaj, se ky i fundit ka lidhje me qarqet ruse dhe serbe.
Salianji shkruan se për këto lidhje ai nuk u pajis me certifikatë sigurie dhe nuk u dekretua nga Presidenti.
Sipas tij, qeveria Rama është qeveria më pro-ruse që ka pasur ndonjëherë Shqipëria.
“Ne kemi pasur indicie dhe dyshime te forta se Ministri i Jashtëm i propozuar nga Rama qe sot eshte ne detyre ka lidhje te forta me qarqe Ruse dhe Serbe dhe prandaj kerkuam komision hetimor! Per keto lidhje ai nuk u pajis me certifikate sigurie dhe nuk u dekretua nga presidenti!
Në mbledhjet e komisionit te Sigurise une kam qene anetar dhe nuk mund te flas me shume per arsye te sigurise kombetare por padiskutim qe shqetesimi eshte real per kapjen e segmenteve te caktuara te administrates se Ramês!”, shprehet Salianji.
Më tej ai ka shtuar se këto lidhje do të zbardhen, si dhe e vetmja rruge për Shqipërinë është partneriteti strategjik me SHBA dhe integrimi në BE!
“Ne po protestojmë sot per ta bere Shqipërine si ShBA dhe Evropa, per te mos e lejuar modelin Putinian qe enderron te instaloje Rama!”, deklaroi ai.
