Disa këngëtarë nga Shqipëria dhe Kosova u është ndaluar hyrja në SHBA dhe refuzuar viza.
Në media, u përfol dje se disa prej këngëtarëve që nuk u lejohet hyrja në SHBA ishin Gena, Shkëlqen Jetishi, Afrim Muqiqi, Majk por dhe emra të tjerë të njohur të skenës.
Ndalimi në hyrjen e territorit të Shteteve të Bashkuara të Amerikës, thuhej se vinte për shkak, se këngëtarët nuk kanë paguar detyrimet tatimore mbi koncertet e mbajtura në shtetin amerikan.
Menaxherja e Genës, ka thënë se shkaku pse SHBA u ka refuzuar vizën këngëtarëve lidhet me një ngërç të krijuar mes faktit se merren vizat turistike dhe shfrytëzohen për punë, duke i shpëtuar taksave, shkruan Klan Kosova. Pra, për të punuar në një vend të caktuar të duhet me patjetër vizë pune, jo turistike.
Ambasada e SHBA-së në Kosovë, nuk ka dhënë informacione se pse këngëtarët refuzohen të shkelin në Amerikë, duke thënë se është antiligjore të publikojnë arsyet e refuzimit të vizave.
