Presidenti i Partive Popullore Europiane, Josef Daul,është shprehur mjaft i shqetësuar për situatën politike në Shqipëri. Ai ka reaguar me anë të një postimi në Twitter, ku shpreh shqetësimin me situatën e demokracisë në Shqipëri. Daul thotë se të drejtat e opozitës në parlament duhet të respektohen.
“Jam i shqetësuar për gjendjen e demokracisë në Shqipëri. Zgjedhjet e ardhshme duhet të jenë të lira dhe të ndershme, blerja e votës është e papranueshme. Të drejtat e opozitës duhet të respektohen në parlament. Duhen më shumë përpjekje për të luftuar krimin dhe korrupsionin, përfshirë edhe implementimin e ligjit të dekriminalizimit”,- shkruan ai.
