Opozita ka braktisur konferencën e kryetarëve pas kërkesave për dorëheqjen e kreut të Kuvendit Gramoz Ruçi. Jashtë kryesisë kreu i grupit parlamentar të PD-së Edmond Spaho përsëriti akuzat për zgjedhjen e kryeprokurorit, dhe tha se qeveria këtë mbledhje e kthye në një mbledhje të zakonshëm kur ajo nuk ishte e tillë.
Por nga ana tjetër Taulant Balla, i cili ishte brenda ambienteve të Kuvendit publikoi në Instagram foto të karrigeve të deputetëve të opozitës bosh, ku shkruante se opozita ka frikë prandaj është larguar nga salla.
Postim i Ballës
Fati i keq për Shqipërinë për këtë opozitë që ka. Bojkotojnë detyrën kushtetuese në ditën kur Konferenca e Kryetarëve diskuton fillimin e procedurave për ngritjen e KLP, KLGJ edhe për 9 ligje të tjera të paketës së reformës në drejtësi. E vetmja opozitë në botë e bërë bashkë prej frikës nga DREJTËSIA.
