Kreu i opozitës, Lulzim Basha vazhdon me akuzat e tij ndaj kryeministrit Rama, teksa deklaron se në truallin e teatrit do të ndërtohen 6 kulla me vlerë 200 milionë euro.
Përmes një videoje të shpërndarë në Facebook, Basha shpjegon edhe mënyrën se si sipas tij do përfitojnë kryeministri Rama dhe kryebashkiaku Erion Veliaj.
“Hajduti psikik vazhdon të fshihet pas 6 kullave 200 milionë euro dhe nuk i zë goja asnjë fjalë për ortakun dhe bankomatin e tij personal Vangjush Dako. Kush mendon se ata janë dy e jo një e meriton talljen dhe përdhosjen si kjo që ju bën aktorëve teatërprishës”, shkruan ai në statusin e tij.
Statusi i plotë:
Hajduti psiqik vazhdon të fshihet pas 6 kullave 200 milionë euro dhe nuk i zë goja asnjë fjalë për ortakun dhe bankomatin e tij personal Vangjush Dako. Kush mendon se ata janë dy e jo një e meriton talljen dhe përdhosjen si kjo që ju bën aktorëve teatërprishës! Tallja dhe përdhosja e tyre ka vetëm një qëllim: të fshehë aferën e hajdutit psiqik, 6 kulla 200 milion euro me një nga grupet më të rrezikshme shqiptaro-kolumbiano-spanjolle të drogës!
