Ambasadorja e SHBA-së në Tiranë, Yuri Kim, ka dhënë një mesazh të fortë për ngritjen e Gjykatës Kushtetuese. Ajo kërkon që Presidenca, Parlamenti dhe institucionet e drejtësisë të vazhdojnë të punojnë me urgjencë.
Diplomatja amerikane shkruan se gëzohet që sheh përparim sa i përket funksionimit të Gjykatës Kushtetuese. Kim shprehet gjithashtu se udhëheqësit duhet të përmbushin premtimet për drejtësi, që u kanë bërë shqiptarëve.
“Është mirë të shoh progresin drejt funksionimit të Gjykatës Kushtetuese deri në fund të këtij viti. 6 javë të mbetura, Presidenca, Parlamenti dhe institucionet e drejtësisë duhet të vazhdojnë të punojnë me urgjencë.
Faleminderit KED për sigurimin e kandidatëve të kualifikuar. Udhëheqësit duhet të përmbushin premtimin e Shqipërisë për drejtësi!”, shkruan Kim.
