Tashmë janë mbyllur operacionet e kërkim shpëtimit, duke çuar në 50 numrin e të vdekurve nga tërmeti i 26 nëntorit. Vetë kryeministri Edi Rama e bëri të ditur përfundimin e operacioneve, në mbledhjen e sotme të qeverisë.
“Operacionet e kërkim-shpëtimit kanë përfunduar, ndërsa fatkeqësisht duhet të them që numri i viktimave ka shkuar në 50”, tha Rama.
Këto çaste kane qenë mjaft të vështira për kryeministrin, teksa lexonte emrat e familjeve që kanë humbur njerëzit e tyre nga tërmeti i 26 nëntorit.
Aktualisht në spitale po marrin ndihmë mjekësore 41 persona. Është vendosur që gjendja e jashtëzakonshme të shpallet dhe në Lezhë.
Kryeministri theksoi se po përgatitet një projektligj, që parashikon dënimin me burg nga 7 deri në 15 vite për të gjithë ndërtuesit apo arkitektët, që nuk respektojnë lejen e ndërtimit.
