Në një kohë mjaft të shkurtër koronavirusi ka mbërthyer pothuajse gjithë Evropën, me përjashtim të 5 vendeve.
Siç raportohet, deri më tani vetëm Shqipëria, Kosova, Moldavia, Qipro dhe Bullgaria nuk janë prekur nga koronavirusi.
Në situatë më kritike në Ballkan duket të jetë Greqia, e cila deri më tani ka konfirmuar 32 raste. Ndërsa shteti më i prekur në Evropë mbetet Italia me 149 viktima dhe pothuajse 4 mijë të infektuar.
Ndërkohë në rang global numri i të infektuarve ka shkuar në mbi 100 mijë, ndërsa numri i viktimave ka arritur në 3,410.
Kina është vendi më i prekur nga koronavirusi në botë me 80 mijë e 500 të prekur, duke u ndjekur nga Koreja e Jugut dhe Irani.
