Dy skafistë shqiptarë janë vënë në pranga, pasi në gomonen e tyre është gjetur drogë me një vlerë prej 5 milionë euro. Guardia di Finanza finalizoi operacionin nga deti dhe ajri të koduar “THEMIS 2018” ne Brindisi.
Gomoneja u pikas nga policia pasi mbi të ishin ngritur dyshime mbi transportin që po kryente. Mjeti rriti shpejtësinë kur mësoi se po vëzhgohej nga policia. Por pas një ndjekjeje të shkurtër, Departamenti i Operacioneve Aeronaval të Guardia di Finanza në Bari, arritën të kapin dhe bllokojnë gomonen.
Në bordin e gomones, policia zbuloi 26 pako të substancës narkotike të ngjashme me marihuanën. Gomonia ishte 7 metra e gjatë, e pajisur me një motor të fuqishëm. Ne pranga ranë skafistet G. D. e 46 vjeç, S.V. e 38 vjeç, nga Vlora. Marijuana e sekuestruar ishte me peshe 535 kg, e vlerësuar me pesë milionë euro në treg.
