Mediat e huaja njoftojnë se autoritetet në Moskë po nxitojnë të ndërtojnë një spital, për të përballuar fluksin e të prekurve nga koronavirusi. Ndonëse numri aktual i rasteve të reja tani në Rusi është vetëm 34, masat drastike janë ndërmarrë.
Kryebashkiaku Sergey Sobyanin ka urdhëruar të nis ndërtimi i spitalit, ndonëse Rusia aktualisht ka numrin më të ulët të viktimave, krahasuar me vendet e tjera në botë.
“Ju garantoj se nuk do të përbëjë rrezik për popullatën lokale, dhe ju kërkoj të kuptoni vendimin tim”, është shprehur kryebashkiaku.
Ai ka treguar më tej se spitali do të ndërtohet me material të parafabrikuar, por do të pajiset me aparaturat më të avancuara mjekësore.
Shkencëtarët gjithmonë e me tepër po kryejnë kërkime në lidhje me pandeminë e virusit të ri, që ka vënë në alarm botën.
