Kryeministri Edi Rama mëngjesin e sotëm e ka nisur duke publikuar një video ku informon qytetarët lidhur me masat që do të merren ndaj personave që pengojnë zhvillimin e zgjedhjeve.
‘Mirëmëngjesi, dhe me këtë kujtesë për të gjithë ata, të cilët janë shënjestër e propagandës së katërshes që synon pengimin e zgjedhjeve e të negociatave për anëtarësim në BE dhe që kurrsesi s’duhet të bien pre e asaj propagande, ju uroj një ditë të mbarë’, shkruan Rama.
Kujtojmë që bashkitë e djathta nuk kanë pranuar që në ambientet e tyre të vendosen materialet e KZAZ-ve, pasi kanë vendosur që të zbatojnë dekretin e presidentit Meta, për anulimin e zgjedhjeve. Kujtojmë që në Shkodër një ditë më parë situata doli jashtë kontrolli dhe disa protestues i kanë vënë zjarrin shkollës ku do të vendoseshin materialet e KZAZ-së. Por tensione ka pasur edhe në vende të tjera.
