Partia Demokratike në Kukës ka paditur sot komisionerët e 14 qendrave të votimit të kësaj bashkie. PD i akuzon komisionerët për falsifikim të rezultatit të zgjedhjeve dhe shkelje të fshehtësisë së votimit.
Në padi përmendet edhe rasti i daljes së numrit më të lartë të fletëvotimeve, sesa numrit të votuesve, fenomen ky që u konstatua në disa bashki në mbarë vendin.
Ata kanë kërkuar gjithashtu nga Prokuroria që të sekuestrojë në cilësinë e provave, fletët e votimit dhe listat e personave që kanë votuar për çdo qendër votimi. Sipas tyre, këto bëhen me qëllim verifikimin në sistemin TIMS të faktit nëse qytetarët kanë qenë në Shqipëri me datën 30 Qershor 2019, apo jo.
