Pas vendimit të Kolegjit Zgjedhor, i cili vendosi të lërë në fuqi 30 qershorin si datë të zgjedhjeve, një reagim i menjëhershëm ka ardhur nga Presidenca.
Zëdhënësi i presidentit Meta, me anë të një komenti në rrjetin social Facebook, thotë se nuk është surprizuar aspak nga ky vendim i dhënë pak çaste më parë.
“Asnjë surprizë nga skeçi i radhës, i orkestruar prej kohësh”, shkruan ai në Facebook.
Kolegji Zgjedhor njeh 30 qershorin si datë zgjedhjesh. Një trupë prej 5 anëtarësh e këtij Kolegji rrëzoi sot padinë e Partisë së Unitetit Kombëtar të Idajet Beqirit ndaj KQZ, duke vendosur që kjo forcë politike nuk mund të çregjistrohet nga procesi zgjedhor i 30 qershorit.
