Dy nga trajnerët e skuadrave ndër më të mëdha në Shqipëri janë larguar brenda një dite të vetme.
Largimi i parë ishte ai i Franco Lerdës, pas humbjes së Partizanit në derbin e mbrëmshëm kundër Tiranës. Vendimi u komunikua që mbrëmjen e djeshme, pak çaste pas përfundimit të ndeshjes.
Ndërkohë trajneri tjetër i shkarkuar është ai i Teutës, Bledi Shkëmbi. Njoftimi u bë nga klubi i Teutës përmes një postimi në Facebook. Shkak për këtë u bë humbja e thellë e kësaj skuadre në ndeshjen kundër Kukësit, e cila përfundoi me rezultatin 4-0.
“Bledi Shkëmbi nuk do të jetë më trajner i Teutës. Klubi i futbollit Teuta njofton se ka shkëputur marrëveshjen me trajnerin Bledi Shkëmbi. Falenderojmë trajnerin në fjalë për kontributin e dhënë gjatë kohës që ishte pjesë e jona. Ne i urojmë Shkëmbit suksese në jetë dhe në karrierë”, shkruhet në postimin e klubit.
Shkëmbi e mori drejtimin e durrsakëve në fillim të sezonit të shkuar, por luhatjet e vazhdueshme të rezultateve në këtë sezon, bënë që presidenti Hasanbelliu të vulosë fatin e tij.
