Policia greke ka arrestuar mbrëmë një 48-vjeçar shqiptar, i cili ishte arratisur nga burgu i Koridhalos që në vitin 2003.
Ai u ndalua në Sagiada Thesprotia si pjesë e një kontrolli policor, nga Rojet e Kufirit në Filiates. Mediat greke bëjnë me dije se ai kishte shkelur lejen e burgut të dhënë më 22 shkurt 2003 dhe nuk ishte kthyer më.
Gjykata e Apelit në Pentamelos e kishte dënuar atë me shtatë vjet heqje lirie, për prodhim të lëndëve narkotike.
