“Akhisarspor”, klubi i futbollit ku luan futbollisti shqiptar Sokol Cikalleshi, është tronditur nga përgjigjet e testeve të fundit.
Plot 12 pjesëtarë të klubit turk të divizionit të dytë janë infektuar me COVID-19.
Presidenti Fatih Bulut ka konfirmuar lajmin në një prononcim për “Anadolu Agency”.
Raportohet se të gjithë të prekurit nuk kanë shfaqur simptoma dhe janë izoluar menjëherë.
Tani do u duhet të qëndrojnë në karantinë deri në momentin që testet do të jenë negative.
