Zyrtarët e Kosovës janë përplasur me zyrtarët e Serbisë gjatë një konference që po mbahej në Tiranë.
Raportohet se serbët tentuan të flasin në emër të Kosovës, e këtë nuk e lejuan kosovarët.
Sipas kryeinspektorit të MTI-së, Lulzim Syla, kryeinspektori serb tentoi të flasë në emër të Kosovës.
Sipas tij, kryeinspektori serb iu drejtua kryeinspektorit nga Shqipëria me këto fjalë: “Për Kosovën flasim siç jemi marrë vesh”.
Kjo gjë e ka nervozuar Sylën, duke parë se si Kosova po anashkalohej, shkruan “Klan Kosova”.
Syla mësohet të ketë thënë se: “Kosova është shpallur shtet me 17 shkurt dhe unë flas në emër të shtetit të Kosovës”.
