Zvicra zbuloi ditën e sotme një plan prej 1 miliard franga zvicerane për të ofruar teste falas anti-Covid për të gjithë popullsinë e saj si pjesë e masave për të lehtësuar daljen e vendit nga kufizimet.
Sipas propozimeve, secilit person do t’i jepen pesë komplete vetë-testimi në muaj, sapo të jenë të disponueshme teste të besueshme, tha qeveria, ndërsa të gjitha testet në farmaci dhe qendrat e testimit do të jenë falas.
Një vendim përfundimtar mbi propozimin do të pritet në 12 mars, me planin që do të hyjë në fuqi nga 15 mars, shkruan agjencia e lajmeve, Reuters.
Kompanitë dhe shkollat duhet të kryejnë teste të përsëritura duke përdorur mostra të pështymës për të përmirësuar parandalimin dhe zbuluar më herët shpërthimet dhe përhapjen e rasteve.
Punonjësit e ndërmarrjeve që do të kryejnë testimin me shumë mundësi shpesh do të përjashtohen nga kërkesat e karantinës.
