Në Zvicër po shihet një trend i uljes së numrit të rasteve të reja të konfirmuar me koronavirus.
Zyra Federale e Shëndetit Publik raporton se në 24 orët e fundit janë shënuar 76 raste të reja. Ndërsa dy ditët e mëparshme janë regjistruar përkatësisht 88 dhe 112 raste me COVID-19.
Lajmi i keq është rritja e numrit të viktimave, teksa vetëm në 24 orët e fundit janë shënuar 22 viktima. Kështu shkon në 1,779 numri total i personave që kanë humbur jetën nga koronavirusi në Zvicër.
Që nga shpërthimi i pandemisë, Zvicra regjistron më shumë se 29 mijë raste infektimi, prej të cilave 24,500 janë shëruar dhe 3,702 janë ende aktive.
