Koronavirusi është duke pasur një efekt shkatërrues në biznesin e filmit, pasi zyrat botërore po përballen me humbjen e miliarda dollarëve dhe ndalesat e xhirimeve kanë lënë mijëra njerëz të një industrie kryesisht të pavarur, pa punë.
Edhe datat e publikimit të filmave janë prekur. Filmi i fundit i Bond – No Time to Die – u shty deri në fund të këtij viti, ndërsa xhirimet e filmit Mulan janë shtyrë për në korrik.
Por disa studio kanë gjetur një zgjidhje tjetër: ‘Trolls 2- World Tour’u vendos në platforma digjitale me qira në fillim të këtij muaji, dhe fitoi gati 100 milion dollarë në tre javët e para – një shifër më e lartë se ajo që arriti filmi origjinal ‘Trolls’, sipas The Wall Street Journal.
Distanca sociale dhe kinemaja
Oliver Meek, drejtori ekzekutiv i Kinemasë Rio në Londër, tha që po përgatitej për një rihapje me distancim shoqëror.
Shtëpia e pavarur e fotografive në Dalston, ku ekrani kryesor mban 400 vende në një auditor të viteve 1930, ka planifikuar disa skenarë të ndryshëm për jetën pas izolimit.
‘Ne po shohim mënyra për të shpërndarë karriget, në mënyrë që të gjithë të jenë dy metra larg,’- tha Meek
Ai shtoi: ‘Kjo mund të nënkuptojë që ne duhet të akomodojmë njerëzit që hyjnë brenda, gjë që i mban ata më gjatë në rradhë. ‘Atëherë do të na duhet të lejojmë më shumë kohë midis filmave. Ne duam që njerëzit të ndjehen të sigurt, kështu që ne shpresojmë se qeveria do të nxjerrë disa këshilla të hollësishme për kinematë.’
Askush nuk po xhiron për momentin
Vlerësohet se gati 200,000 njerëz do të humbasin punët e tyre për shkak të pandemisë – një efekt që mund të zgjatet teksa bëhen ndryshime në industri. ‘Problemi i madh është se askush nuk po xhiron asgjë për momentin,’- tha Larmour. ‘Unë mendoj se disa po nisin xhirimet përsëri në Suedi dhe Danimarkë, por askush nuk po punon në Mbretërinë e Bashkuar, SHBA dhe pjesën më të madhe të Europës kontinentale.
Xhirimet nuk do të jenë të njëjta
Larmour pohon se me procesin e xhirimit dhe prodhimit; industria e filmave në tërësi do të duhet të ndryshojë pas koronavirusit.
Ai mendon se xhirimet ‘nuk do të jenë të njëjta’ për shkak të distancës sociale, teksa editimi mund kryhet në të ardhmen nga shtëpia dhe punëtorëve mund t’i kërkohet të vendosin maska dhe të bëjnë testet e COVID-19, çdo mëngjes, kur arrijnë në set.
Për sa i përket kufizimeve, do të ketë më shumë njerëz mjekësorë në staf, më shumë kufizime në përcaktimin e asaj që mund të vishni dhe si bashkëveproni me aktorët. Nëse një aktor sëmuret, i gjithë prodhimi do të jetë në telashe. /Opinion
