Moderatorja Ori Nebijaj ka sqaruar mbrëmjen e djeshme në emisionin “Më lër të flas” asyen përse u largua nga Partia Demokratike. E për rrjedhojë ajo nuk u tërhoq nga ekrani, në të cilën ka një eksperiencë shumë vjeçare. Shkëputja nga sfera politike kur nuk mori mandatin për deputete, e bëri që të administrohej më fuqishëm në media. Ori tha se edhe pse nuk fitoi, nuk është shkëputur nga PD-ja. Për marrjen e PD-së nga Sali Berisha duket se Nebijaj nuk është dakort, pasi sipas saj, cikli i tij ka mbaruar. Ajo tha troç se e ka lënë për PD-në për atë që ajo e cilësoi si zullume.
“Unë kandidoja, se do bëhesha deputete. Po t’i mbanin sa unë premtimet…ata që si mbajnë premtimet vazhdojnë atje. Le të themi që politikën në një farë mënyrë e kam lënë krejtësisht në gjumë, nuk shoh asnjë cep ku mund të angazhohem.
Unë nuk jam pjesë as e Bashës, as e Berishës, isha në PD se realisht besoja se gjërat mund të bëhen më mirë. Nuk kam ikur kur ndodhi Basha tamam. E lash unë… nuk kam lënë PD-në, por gjithë këto zullumet që bëhen për gjithë këto interesat që nuk më përkasin mua.
Zullume të shëmtuara fare, keq, keq, keq. Për Berishën, suksese.. Do më pëlqente që PD të kishte një lider të përfaqësonte demokratët dhe shqiptarët, jo një lider që ka kryer ciklin e vet. Nuk kam hequr dorë. Sa kohë këta po zihen si gjelat për interesat dhe për karriget e veta…”, tha Ori Nebijaj.
