Ky vit i ri shkollor ka nisur ndryshe për të gjithë nxënësit dhe mësuesit, me kushte dhe sjellje të reja për tu mbrojtur nga infeksioni. Pavarësisht pandemisë, kjo ishte një ditë ndryshe për nxënësit, të cilët janë takuar me shokët e shoqet e klasës pas një shkëputje disa mujore.
Por kjo ka qenë edhe një ditë speciale për Zahon, djalin e kryeministrit Rama, i cili ka nisur shkollën. Bashkëngjitur një fotoje të shpërndarë në Instagram, kreu i qeverisë shprehet se kjo është dita e parë, e për rrjedhojë dhe një emocion i rrallë.
Statusi
Dita e parë emocion i rrallë?
Zoti i bekoftë të gjithë fëmijët që sot nisën shkollën dhe i mbroftë gjithnjë bashkë me prindërit e gjyshërit e tyre të pazëvendësueshëm?
Dashuri, shëndet e gëzime paçin gjithmonë?
Më herët, Rama ka thënë se kjo periudhë do të ketë shumë vështirësi për Zahon, si dhe për të gjithë fëmijët. Kreu i qeverisë ka cituar se të gjithë kemi sfidë të madhe, atë të hapjes së shkollave. Edhe pse fëmijët nuk janë të imunizuar por janë më pak të rrezikuar, ata duhet të mësohen me rregulla të tjera.
