Zyrat e Drejtorisë Arsimore në Fier është përfshirë nga flakët ditën e sotme. Mësohet se në katin e dytë të kësaj godine ka rënë zjarr rreth orës 15:10.
Në vendngjarje kanë shkuar shërbimet e policisë dhe ato zjarrfikëse për të bërë të mundur evakuuimin e punonjësve. Ende nuk duhet shkaqet e rënies së zjarrit.
”Sot rreth orës 15:10, te Drejtoria Arsimore Fier, në katin e dytë ka rënë zjarr. Në vendngjarje kanë shkuar shërbimet e policisë të cilët bënë evakuimin e personave që ndodheshin aty. Shërbimi zjarrfikës po punon për fikjen e flakëve. Ende nuk dihen shkaqet e rënies së zjarrit.”, informon policia.
Grupi hetimor po punon për zbardhjen e plotë të rrethanave të ngjarjes.
