Kosova me bilanc negativ: 7 viktima dhe 564 raste të reja me koronavirus

Kosova regjistroi shtatë viktima nga koronavirusi në 24 orët e fundit. Viktimat janë nga Deçani, Fushë Kosova, Gjakova, Obiliqi, Prishtina, Prizreni dhe Vushtrria.

Sipas Institutit Kombëtar të Shëndetësisë Publike nga 3.192 mostra të testuara, janë regjistruar edhe 564 raste të reja me Covid-19.

Ndërkohë, janë shëruar edhe 380 pacientë, duke e çuar në 61.394 numrin e përgjithshëm të të shëruarve, që nga paraqitja e pandemisë.

Që prej 13 marsit, 2020 e deri më 5 mars, 2021, Kosova ka regjistruar 71.908 raste me COVID-19. 1.634 raste kanë përfunduar me fatalitet, teksa raste aktive janë 8.880.