Pasditen e sotme, një banesë është përpirë nga flakët në Kombinat kur për pasojë ka humbur jetën një 80-vjeçar i cili ishte i paralizuar. Ngjarja ka ndodhur rreth orës 17:10 në rrugën “Bedri Karapici”.
Në momentin që ka rënë zjarri i moshuari ka qenë vetëm në banesë. Shkak i zjarrit dyshohet një ngrohëse e ndezur. Menjëherë në vendngjarje kanë shkuar shërbimet e Policisë dhe Zjarrfikësja ku kanë bërë të mundur fikjen e zjarrit. Shtetasi i mësipërm si pasoje e flakëve dhe asfiksisë nga tymi ka humbur jetën.
Njoftimi i policisë:
Me datë 20.02.2018, rreth orës 17:10, në rrugën “Bedri Karapici”, në banesën e shtetasit M.K., rreth 80 vjeç i cili ndodhej në banesë i paralizuar, ka rënë zjarr.
Menjëherë në vendngjarje kanë shkuar shërbimet e Policisë dhe Zjarrëfikësja ku kanë bërë të mundur fikjen e zjarrit. Shtetasi i mësipërm si pasoje e flakeve dhe asfiksisë nga tymi ka humbur jeten. Grupi hetimor ndodhet në vendngjarje për zbardhjen e plotë të shkaqeve dhe rrethanave të zjarrit.
