Flakët e zjarrit kanë përfshirë majën e Shën Dëllisë, në kufirin midis Bashkisë Tepelenë dhe Memaliaj. Zjarri ka rënë në kullotë, dhe janë djegur sipërfaqe me bar e shkurre.
Terreni tepër i thyer malor dhe shumë larg zonës së banuar (3-4 orë larg), e bën të pamundur ndërhyrjen e forcave zjarrfikëse.
Zona në fjalë bëhet e rrezikshme për ndërhyrje, jo vetëm për shkak të largësisë, por edhe pranisë së predhave të mëdha të mbetura nga Lufta e Dytë Botërore.
Deri tani kanë plasur disa prej tyre, madje zhurma e plasjeve është dëgjuar deri në Tepelenë.
