Njerëzit e komunitetit Bajau, jetojnë prej shekujsh në ujërat e Azisë Juglindore. Ata janë shumë të lidhur me detin, saqë trupi i tyre ka pësuar gradualisht ndryshime që kanë habitur shkencëtarët. Të quajtur ndryshe si “ciganët e detit”, ata kanë një organizëm shumë të ndryshëm nga gjithë të tjerët në këtë planet.
Pjesën më të madhe të kohës, e kalojnë mbi barkat e tyre tradicionale në det, duke peshkuar. Edhe kur nuk jetojnë mbi barka, qëndrojnë zakonisht në banesat e tyre të vogla të ndërtuara me shkopinj mbi ujë. Fëmijët mësojnë të notojnë që fare të vegjël, ndërsa peshkimin dhe gjuetinë e zotërojnë para se të mbushin 8-vjeç.
Sot shumica e shumica e këtij komuniteti, është në gjendje të zhytet në thellësi prej më shumë se 230 metrash pa asnjë pajisje. Ata mund të qëndrojnë të zhytur 60 metra nën ujë për disa minuta, dhe zakonisht zhyten mbi 5 orë në ditë. Shkencëtarët zbuluan në vitin 2018, se shpretka e njerëzve Bajau, është 50 për qind më e madhe se ajo e njerëzve të tjerë në zonat fqinje.
Një shpretkë më e madhe, do të thotë një rezervuar i madh i rruazave të kuqe të gjakut, pra më shumë oksigjen, dhe një aftësi më e madhe për të qëndruar nën ujë.
Njerëzit Bajau, kanë edhe një shikim të pazakontë nënujor, që i ndihmon të gjejnë gjërat më të çmuara të detit siç janë perlat./ Tirana Today
