Ish-drejtori i policisë së Ulqinit është zhdukur në rrethana misterioze. Mediat malazeze bëjnë me dije se zyrtari i lartë i policisë, Rudolf Elezoviç, ka humbur kontaktet me familjen nga data 27 maj.
Kontaktin e fundit e ka pasur me një të afërm të tij mbrëmjen e 27 majit, dhe se ka pritur që në afërsi të zonës se Pentarit në lumin Buna një person te vijë edhe ta marrë, qe ta transportojë me varkë në anën e Malit të Zi. Nga ai moment ka humbur çdo kontakt.
Elezoviç ka humbur në kufirin mes Shqipërisë dhe Malit të Zi, në zonën mes fshatrave Pentar dhe Reç. Kohët e fundit ai ka punuar se sektorin e anti-trafikut në policinë e kufirit të Malit të Zi.
