Kryeministri Edi Rama ka komentuar propozimin e deputetëve të CDU/CSU për ndërhyrjen në krizën politike shqiptare, për të ulur palët e për të ndihmuar në zgjidhjen e krizës politike.
I pyetur nëse është i gatshëm të pranojë ndërhyrjen e ndërkombëtarëve gjermane, Rama u tregua i prerë teksa tha se ndihma është e mirëpritur, por negociata që lidhen me procesin e 30 qershorit, pra datën e zgjedhjeve, nuk ka me asnjë palë.
“Për sa i përket dialogut unë s’kam nevojë as për gjermanë, as për amerikanë, as për francezë, as për anglezë, as për holandezë. E kam thënë dhe e përsëris që dialogu është i patjetërsueshëm dhe i pazëvendësueshëm në procesin e bashkëjetesës politike në një vend normal. Ndihma e miqve gjermanë është e mirëseardhur, por negociata nuk ka! Negociata nuk ka në kuptimin e një procesi që lidhet me 30 qershorin se nuk ka asnjë mundësi të negociojmë kushtetutën e Shqipërisë.”, tha Rama.
