Mediat turke e kanë quajtur skandal dekretin e miratuar sot në Greqi në lidhje me zgjerimin e Hapsirës Ekonomike nga 6 deri në 12 milje Jon.
Ky vendim i Greqisë për të zbatuar dekretin nga dita sotme ka bërë që mediat turke të “acarohen” dhe të shkruajnë që Greqia do të veprojë njësoj edhe me pjesën ishullore pranë Turqisë.
“Hurriyet”, në shkrimin e saj ka shkruar se Greqia nuk do të mjaftohet me 12 miljet e detit Jon por do të përfshijë edhe pjesën ishullore në Turqi. Dekreti përfshin hapësirën në zonën veriore të detit Jon, të ishujve të Jonit e deri në Kepin e Tenaro në Peloponez.
Me këtë hap ditën e Krishtlindjeve, Athina i dërgon një mesazh të hapur Turqisë, sidomos kur theksohet se, në përputhje me Konventën e Organizatës së Kombeve të Bashkuara qeveria greke “rezervon të drejtën për të ushtruar të njëjtën pikë dhe në zonat e tjera të ujërave territoriale”.
