Lidhur me zgjedhjet që pritet të mbahen në Shqipëri, Ambasadorja e SHBA në Tiranë Yuri Kim ka bërë një paralajmërim të fortë.
Kim shkruan në rrjetin social Twitter se udhëheqësit do të mbajnë përgjegjësi për ata që garojnë nën siglën e tyre.
Ambasadorja iu bën thirrje liderëve politikë që të verifikojnë kandidatët.
Postimi i plotë:
“Paralajmërim!
Teksa partitë përgatiten për zgjedhje, udhëheqësit do të mbajnë përgjegjësi për ata që garojnë nën siglën e tyre.
Ju lutem, verifikoni kandidatët tuaj, mos i fyeni votuesit, mos minoni demokracinë, mos promovoni korrupsionin”.
Rikujtojmë se sot në orën 17:00 pritet që të mblidhet Këshilli Politik, ndërkohë opozita jashtëparlamentare ka kërkuar shtyrjen e takimit në një tjetër ditë.
